Comune di Sarule

Su nostru sarulesu panorama
altu seschentos metros dae su mare
postu a pes de su monte'e Gonare
inuve abitat sa divina mama
d'esser bidda 'e pastores tenet brama
sos artigianos sun d'invidiare
pro tappetos est bidda singulare
laboriosas massaias de fama.

Bind'at parizzos c'ana istudiadu
de cumerciantes sa matessi cosa
su folclore non l'est mai mancadu.

Vantat Sarule una cathone famosa
ch'est de Vadore Sini s'avocadu
intitulad'A Diosu e Diosa

sa chi narat non potho reposare
amor'e coro prenda d'istimare

(Vadore Ladu)